DƏNİZ
Ey mənim sirdaşım,duyğulu dəniz
Bu gecə qoynuna qonaq gəlmişəm.
Ey mənim dərd ortağım,qayğılı dəniz
Yene də bir qucaq qınaq gəlmişəm.
Aç mənə qoynunu,qoy sənin olum,
Sahillər,ləpələr bizi qısqansın
Səninlə qocalım,səninlə ölüm
Üzünə nur verən ay da utansın.
Bilirsən,ikimiz çox bənzəyirik
Gah susub durursan,gah coşqun dəniz
Əlini uzadıb məni səsləyir
Məni soraqlayır bu susqun dəniz.
Bu gecə qoynunda qoy itim-batım
Geriyə qaytarma mən sənin olum.
Sənin sularında yazım-yaradım,
Uzağa aparma tək sənin olum.
Bu aylı gecədə edək bir günah
Tellərim sinəndə islansın yenə
Sənin cənnətinə aparım pənah
Eşqim dərinlərə yollansın yenə.
Ey gözləri nəmli,mavili dəniz,
Ey mənim əzizim işvəli dəniz,
Əlimi buraxma bir anlıq belə
Gəl olaq səninlə sevgili,dəniz!
Məni itirənlər səndə axtarsın
Axtarsın-arasın,amma tapmasın.
Mən belə də xoşbəxtəm sənin yanında
Səndən başqası da mənim olmasın.
Bir az gəzim qumlu sahillərində
Sonuncu şeirimi bitirim burda
Mənim taleyim ki,öz əllərində
Hüsnünə namələr gətirim burda.
Bizim ikimizi ayırmasınlar
Qalmaram bir an da,sənsiz ölərəm!
Ruhumu geriyə çağırmasınlar,
Yaşamam dünyada,sənsiz ölərəm!
Qərq olum,yox olum,qarışım sənə,
Sar mənə qolların gəl çıxaq gedək.
Bir az məhəbbətdən danışım sənə,
Bizim eşqimizi müqəddəs edək!
Divanə qadın
Hər yerdə axtardım tapmadım səni
Gizlədim,qəlbimdən atmadım səni
Vallah özümə də qıymadım səni
Adımı sən qoydun biganə qadın.
Gör necə sərxoşam,sevgilim necə
Səni qucaqlayım,oxşayım bircə
Yandırıb həsrəti gəlsən bu gecə
Olaydım oduna pərvanə qadın.
Ayrılıq köksümə ağırlıq etdi,
Yarımçıq bəxtimdən ogurluq etdi
Nə etdiysə bizə ayrılıq etdi
Olaydım qəlbində yeganə qadın.
Sən bu məhəbbəti oyunmu sandın
Yandığım atəşi odunmu sandın
De məni biganə qadınmı sandın
Həsrətdən qarışdı torpağə qadın.
Ən yaxşı nə danış,nə də gileylən,
Bağla gözlərini mən yuxun olum.
Qapı-pəncərəni açıq qoy hərdən
Bəlkə qonaq gəldi röyanə qadın.
Pərişan tellərimi dola boynuna
O yanan atəşi qala qoynuna
Məni sevdiyini ala boynuna
Söyləyə olmuşam viranə qadın!
Ruhum bu zindanda ilişib qalıb
Büsbütün kül olub,alışıb qalıb
Qara kabuslara qarışıb qalıb
Həsrəti göndərsin hayanə qadın?!
Oturub yollara baxma boşuna
Qarışma Allahın doğru işinə Son kəz yazdırarsan məzar daşıma
Mən sənə olmadım biganə qadın.
MAVİ GÖZLƏR Ah məni özündə boğan o gözlər,
Bir gün sahilinə enə biləydim.
O dərya gözlərin maviliyində
Bir daha doğulub ölə biləydim.
Sənin qollarında ölmək savabdır,
Göz açdım sahilində,sənsən vətənim.
İtim gözlərinin dərinliyində
Sahili özündən ayrı düşənim.
Göz yaşları dəniz dadan sevgilim,
Duyğularım dilə gəlsin bu gecə.
Al qoynuna qoy tellərim islansın,
Ruhum çıxsın sənə gəlsin bu gecə.
Demə mənə “məni sevmək yasaqdır”
Bəlkə də qovuşsam sənə ölərəm
Sənçün ölmək mənim üçün savabdır
Çağır məni,qaça-qaça gələrəm.
Bir gün sahilindən keçəcəm sənin
O çılğın saçlarını oxşayacam mən.
Ölüb ürəyinə köçəcəm sənin
Bəlkə də heç sənin olmayacam mən.
Ürəyim döyünür məhəbbətinlə
Körpə uşaq kimi kövrəkləşirəm.
Eşqim alovlanır hərarətinlə
Səni sevərək mən gözəlləşirəm.
Qorxuram ağlasam axan o yaşlar
Adını qəlbimdən silib aparar
Mavi baxışları mənə qıymasan
Ruhumu əzrayil gəlib aparar.
Allah
Amin dedim, varlığına sığındım
Namazınla ,orucunla ovundum.
Hüzurunda diz çökərək dayandım
Özün dayağımda durasan, Allah
Dar gündə yanında olasan, Allah.
Dünya vəfasızdır mömünü əzər
Nadanlar sinəmi çarmıxa çəkər.
Şeytanlar vəsvəsə toxumu səpər
Məni zalımlardan qoru sən Allah
Hər zaman yadına salasan, Allah.
Nankordur insanlar, yaxşılıq bilməz
Bu dünyada yaxşı olan sevilməz
O sənin eşqindən bu can neyləməz
Nəzərin üstümdən götürmə Allah,
Çəkdiyim zəhməti itirmə, Allah.
Canlını ,cansızı qoşa yaratdın
Insanı dünyada yaşa yaratdın
Boyda dünyanın boşa yaratdın
Dövran tərsinədir görürsən. Allah
Sən mənim dərdimi bilirsən, Allah.
Qardaş qardaşının qanını tökür
Körpələr yazıqdır boş yerə ölür
Balası ananın gözünün didir
Özünü yetirib gələsən Allah
Bizim üçün yerlərə enəsən, Allah.
Üsyan eləmirəm, etmərəm günah
Salmaram özgənin payına tamah
Sənin hüzuruna gətirim pənah
Ruhumu geriyə alasan, Allah,
Məni cənnətinə salasan, Allah.
BİRCƏ NƏFƏR VAR
Bu gecə üzümü sıxıb balınca,
Ağladım vəfasız yarın dalınca
Onu sevəcəyəm ömrüm boyunca
Uğruna öldüyüm bircə nəfər var.
İblisdir yaranıb mələk donunda
Bitirdi,məhv etdi məni sonunda.
Xəbəri qoy olsun elə onun da,
Mənim cənnətimdə bircə nəfər var.
O mənim gözümdə hicran yuxusu
O mənim bəxtimin vüsal qorxusu.
Göynəyir burnumda gözəl.qoxusu
Mənim həyatımda bircə nəfər var.
Onu bircə yolluq tapdım,itirdim,
Sevgi nağılını burda bitirdm.
Bu gecə röyamə səni gətirdim
Mənim zülmətimdə bircə nəfər var.
Əl açdım göylərə, odur pənahım,
Yoxdur özgəsinə inan,marağım.
Səni sevmək olsun mənim günahım,
Öz gizli dünyamda bircə nəfər var.
Sən mənə doğmasan,mən sənə yadam,
Sənsən bu həyatda məni yaşadan.
Zəkiyyə səninçün əlçatmaz adam
Bil ki ürəyində bircə nəfər var.
BƏYAZ SAÇLARIM
Ömründən aldılar kədər verdilər
Qapqara zülfünü hədər verdilər
Qanına bəmbəyaz zəhər verdiler
Çətin ki, dirilə bəyaz saçlarım.
Sığallı saçlarım əldən inciyib
Oxşayan darağım teldən inciyib
Əyninə bəmbəyaz kəfən geyinib
Özünə yas tutur bəyaz saçlarım.
Dərdi böyük,dərmanı yox yazığın
Bircə ölüm fərmanı yox yazığın
Vaxt yetisib,zamanı yox yazığın
Qazıb öz məzarın bəyaz saçlarım.
Hüsnünə namələr söyleyim indi
Allahda arzular isteyim indi
De axi səninçün neyləyim indi
Sözümə baxmırsan bəyaz saçlarım.
Elə bil ki ,qəm çəkməyə yarandın
Öz əlindən özün belə usandın
De niyə vaxtından erkən oyandın
Ağarma, amandır, bəyaz saçlarım.
İlan kimi sən boynuma dolandın
Vaxtından tez bəyazladın,ağardın
Bilmədin ki, fani dunya yalandir
Əhdinə dönüksən sən də, saçlarım!
Gözlərim əksindən,aynadan küsüb
Elə bil saçıma qarlı qış düşüb
Olanlar olubdur,keçənlər keçib
Xoş gəldin ömrümə bəyaz saçlarim.
Zəkiyənin sən ömrünə yarısan
Zirvəsisən,başı üstə qarısan.
Nə fərqi var ya bəyazsan, qarasan
Möhtəşəmsən mənim bəyaz saşlarım
Nə gözəlsən mənim bəyaz saçlarım.
Zəkiyə Elbəyi qızı
Müstəqil.Az
