Almaniyada koronavirus əleyhinə ilk peyvənd Saksoniya-Anxalt federal ərazisindəki qocalar evində yaşayan 101 yaşlı qadına – Edit Kvoyzalla vurulub.
Müstəqil.Az yerli KİV-ə istinadən bildirir ki, daha sonra qocalar evinin digər sakinləri, eləcə də işçi heyət peyvənd olunub.
Qeyd edək ki, bu gün Biontech/Pfizer vaksininin ilk partiyası Almaniyaya gətirilib. Şimali Reyn-Vestfaliyanın rəhbəri Armin Laşetin sözlərinə görə, bu partiya 16 federal ərazi arasında bərabər bölünəcək.
Almaniya Səhiyyə Nazirliyinin qəbul etdiyi milli plana əsasən, ölkə üzrə peyvəndləmə dekabrın 27-də başlanacaq. İlk növbədə 80 yaşdan yuxarı insanlar, qocalar evlərinin işçiləri və orada yaşayanlar, həmçinin risk zonasında hesab olunan tibb heyəti peyvənd olunacaq.
Müstəqil.Az
