Müstəqil.Az xəbər verir ki, “AXDG” QSC-nin sədri Rauf Vəliyevin adından dünyanın bütün sualrında üzən gəmilərə radioqrama daxil olub.
Radioqramada deyilir:
“Hörmətli dənizçilər!
Sizi qarşıdan gələn müqəddəs Qurban bayramı münasibəti ilə səmimi-qəlbdən təbrik edir,
sizə uzun ömür, möhkəm cansağlığı, ailələrinizə xoşbəxtlik, süfrələrinizə bol ruzi-bərəkət, doğma Azərbaycanımızın tərəqqisi, dəniz nəqliyyatının inkişafı naminə çətin və şərəfli işinizdə uğurlar arzulayıram.
Yeni növ koronsvirus (“COVİD-19”) infeksiyasına yoluxma təhlükəsi sovuşmadığına görə, Qurban mərasimlərini əvvəlki təntənə ilə keçirə bilməsək də, əminəm ki mübarək bayram günlərində hər birimizin dilində ölkəmizin tərəqqisi, torpaqlarımızın işqaldan azad olunması üçün dualar əskik olmayacaq.
Yolunuz daim açıq, səfərləriniz həmişə uğurlu olsun, əziz dənizçilər!
Bayramınız müvarək olsun!
Hörmətlə: Rauf Vəliyev”
Müstəqil.Az
