Məlahət Hmmətqızı imzası ilə yayınlanan bütün yazıları diqqətlə oxumuşam. Özünəməxsus yazı üslubu var. Müstəqil.Az əsl sənəti həkimlik olan Məlahət xanımla müsahibəni təqdim edir:
– Salam, Məlahət xanım, necəsiz?
-Salam, Təşəkkür edirəm, yaxşıyam.
-Son vaxtlar yəqin ki, çox yorğun olarsız.
-Bəli, çox yorğun oluram.
-Yəni, əvvəlki günlərlə müqayisədə işiniz çoxalıb…
-Elədir.Hal-hazırda Tədris Cərrahiyyə Kilinikasında çalışıram. Növbəli 8 saatlıq iş rejimi ilə işləyirəm. Yuxusuz gecələr keçirirəm. Ağır, müalicəyə çətin tabe olan xəstəliklərlə üzləşirəm. Hər gün 20-25 xəstənin müayinəsini aparıram. Çox məsuliyyətli, çətin və şərəfli peşə ilə məşğul oluram.
-Şəkillərinizi paylaşmışdız, kosmanavatlara bənzəyirdiz.
– Xüsusi qoruyuculuq funksiyası olan geyimdir. Geyindiyimiz o formalar çox isti olur, hava keçirtmir. Yəqin ki, bilirsiniz, Koronovirus pandemiyası ilə mübarizədə bir neçə xəstəxana çalışır.
Mərkəzi Neftçilər xəstəxanası, Əfəndiyev adına xəstəxana, Tədris Terapevtik, və Tədris Cərrahiyyə klinikası. 700 –ə qədər tibb personalı Ağ şəhərdə yerləşən Bulvar oteldə qalır. Pandemiyaya qarşı mübarizəni hələ bura gəlməmişdən əvvəl 11 saylı şəhər poliklinikasında aparirdıq. Poliklinikamızda filtir otaqları yaradılmışdı.
-Demək, heç də birmənalı qarşılanmayan bu xəstəliklə ilk gündən mübarizəyə qoşulduz.
-Həkimlərimizin fədəkarlığı xüsusi qeyd olunmalıdır. Dediyim o filtr otaqlarının hərarətli xəstələrdə “Covid-19” virusunun tapılıb aşkar olunmasında filtir otaqlarının şox böyük rolu oldu. Hərarətli insanların burun və boğazından yaxma götürüb, təcili yardım vasitəsilə Taun mərkəzinə göndəriridik. Sonra xəstələrin sayı xəstəxanalarda artdı və TƏBİB xəstələri müalicə etmək üçün bütün həkimlərə çağırış etdi. Könüllü işləməyə gələnlər arasında mən də var idim. Aprelin 9-dan buradayam. Peşiman da deyiləm. Yaxşı ki, gəldim və üzərimə düşən həkimlik borcumu yerinə yetirirəm. Məncə İnsanlara yardım etməkdən böyük xoşbəxtlik ola bilməz. Mənim kimi könüllü həkimlər burada çoxdu. Hər kəs xəstələrin sağalıb tezlikə evlərinə getməsinə çalışır. Özümə söz vermişəm ki, son xəstə sağalıb palatanı tərk edənə kimi buradayam.
-Neçə ilərdir ki, həkim işləyirsiz, son iki ayın əziyyəti qədər, məsuliyyəti qədər qarşılaşmışdınızmı?
-Xeyir, qarşılaşmadım. Mən poliklinika həkimiyəm. Bizdə ambulator müalicədi. Stasionarda işləməmişəm. Yuxusuz gecə keçirtməmişəm, ağır xəstələrlə bu qədər təmasda olmamışam. Bizim işimiz çox məsuliyyətlidir. İnsan həyatı ilə çalışırıq. Hər dəqiqə bir hadisə baş verə bilər. Palatalarda ağır xəstələrimiz çoxdu.”Covid-19″ –a yoluxan xəstələr arasında yanaşı xəstəliyi olan xəstələr də var. Onlar arasında şəkərli diabet, ürək-damar sisitemi, böyrək, qara ciyər, ağ ciyər xəstəliyi, hamilə qadınlar, hətta xərcəng xəstəliyi olanlar da var. Hal- hazırda bu ay işlədiyim 11-ci mərtəbədə 20 xəstəmiz var. Onlardan 3-ü çox ağırdır. Onların gecə-gündüz müalicəsi ilə məşguluq. Bir dəqiqə nəzarətsiz qoymuruq. Əziziləri tez-tez zəng vurub maraqlanır. Bizə ümüd etdiklərini bildirirlər. Son zamanlar virusa yoluxan həkim kolleqalarımızın sayı da çoxalıb.
-Məlahət xanım, siz həm də yaradıcı adamsız. Şeirləriniz, nəsr əsərləriniz var, koronovirus dalğası öz əksini tapacaqmı yaradıcılığınızda?
-Bəli, tapacaq. Bura gələndən çoxlu müşahidə aparmışam, həkim dostlar tapmışam. Burada çalışan həkimlərin qəhrəmanlığından 3 hekayə yazmışam.
-Hazırda işlədiyiniz Tibb Universitetinin təlim-tədris mərkəzində xəstələrlə təmasda şairliyinizin verdiyi imkanlardan istifadə edirsinizmi?
-Xeyir, xəstələrə şeir söyləmirəm. Amma burada həkim kolleqalarımız arasında qruplar yaradılıb. Onların yorğunluqlarını çıxartmaq üçün hərdən öz şeirlərimi söyləyirəm.
-Demək bütün zamanlarda ədəbiyyatdan kənarda qalmırsız. Deyin, Ədəbiyyat sizin üçün nədir?
-Düşünürəm ki, ədəbiyyat insanın öz hisslərini, cəmiyyətin hisslərini, düşüncələrini arzu və istəklərini obrazlı şəkildə əks etdirən söz sənətidi. Və bu söz sənətini çox sevirəm, həyatımın bir parçasıdı. Məncə ədəbiyyat insana özünü dərk etməyə kömək edir. Hərdən düşünürəm, mən niyə yazıram, yazılarım insanların xoşuna gəlirmi, oxunurmu? Çalışıram ki, yazdıqlarım maraqlı olsun, düşündürücü olsun, insanlar faydalansın.
-Seçim qarşısında olsanız həkimliyi, yoxsa yazıçılığı seçərdiz?
-Seçim qarşısında qalsaydım, yəqin ki, həkimliyi seçərdim. Çünki həkim olub, yazıçı ola bilərsən, amma yazıçı olub, həkim ola bilməzsən.
-Sizcə, nə vaxtsa ədəbiyyatla məşğul olduğunuza görə təəssüflənməyəcəksiz ki?
-Xeyir, qətiyyən təəssüflənməyəcəm. Əksinə fəxr etmişəm və edəcəm. Məncə istedadı olan hər kəs çalışdığı peşədə nəyi bacardığını göstərməli, özünü sübut etməlidir.
-Məlahət xanım, son yaradıcılığınız nəyi əhatələyir?
-Son yaradıcılığım karonavirus pandemiyası ilə əlaqədardır. Yeni hekayələrim yaranıb. İnşallah onları tezliklə mətbuta verəcəm.
-Yazarlarımızın sayının çoxluğu sizi narahat etmir ki? Ədəbiyyatda özünü, yerini tanımayanları xəstələrlə müqayisə etmək olar?
– Bu barədə danışmaq mənə düşməz. Məncə bərabər olar..
Söhbətləşdi: Faiq Balabəyli