Avropa Şurasının baş katibi Mariya Peyçinoviç-Buriç Azərbaycan Respublikasının Ali Məhkəməsinin İlqar Məmmədov və Rəsul Cəfərova bəraət verilməsinə dair çıxardığı qərarları alqışlayıb.
Müstəqil.Az Report-a istinadən xəbər verir ki, Avropa Şurasının baş katibi bununla bağlı bəyanat yayıb.
“İlqar Məmmədovun və Rəsul Cəfərovun Azərbaycan Respublikasının Ali Məhkəməsi tərəfindən bəraət alması alqışlanmalıdır”, – bəyanatda qeyd olunub.
M.Peyçinoviç-Buriç bu qərarların məhkəmə qərarlarının icrasına nəzarət kontekstində Komitə tərəfindən nəzərə alınacağını bildirib.
Baş katib Avropa Şurasının Azərbaycanla əməkdaşlığı daha da inkişaf etdirmək niyyətində olduğunu da vurğulayıb.
Müstəqil.Az
