Belçikada Gent Univesitetinin Flemiş Biotexnologiya İnstitutu koronavirusa qarşı dərmanın hzırlanması məqsədilə əhəmiyyətli irəliləyiş əldə etdiyini açıqlayıb.
Müstəqil.az Teleqraf.com-a istinadən xəbər verir ki, institutun mütəxəssisi, professor Xavyer Salens laboratoriya şəraitində COVİD-19 virusunu təsirsiz hala gətirdiklərini bilirib.
Belçika baş nazirin köməkçisi elm və iqtisadiyyat naziri Hild Krevits isə bildirib ki, bu, ağıllı və cığır açan addımdır. Bununla belə, nazir əlavə edib ki, bu istiqamətdə uzun bir yol qət etmək lazımdır.
Qeyd edək ki, Xavyer Salens və qrupu ötən ay SARS COV-2 və COVİD-19 virusu ilə mübarizədə unikal antikor tapdıqlarını elan etmişdi.
Belçikalı professor laboratoriya testi nəticəsində kəşf olunan antikorun koronavirusa qarşı ciddi addım olduğunu qeyd edib: “Bu, fantastik bir qrupun fəaliyyətinin nəticəsidir. Bu kəşf sayəsində virusun insan hüceyrələrini əhatə etməsinin qarşısı alına bilər”.
