Nərminin ölümündə şübhəli olan əmi və əmioğlunun bir-birinə zidd ifadələri – VİDEO

Yanmış meyiti tapılan 10 yaşlı Nərminin ölümündə əsas şübhəlilər əmisi Lətif və əmisi oğlu Qorxmazdır. Çünki Nərmini sonuncu dəfə onlar görüblər. Azyaşlı qız onların evinə gəldikdən sonra itkin düşüb. Məsələ burasındadır ki, Nərmin atasının gödəkçəsini götürmək üçün gəldiyi əmisi evinə girərkən hamı görüb, lakin çıxarkən görən olmayıb.

Ötən ilin 21 2019-cu ildə itkin düşən Nərminin axtarışları hüquq-mühafizə orqanları ilə yanaşı “Səni axtarıram” proqramında aparılırdı. Xoşqədəm Hidayətqızı azyaşlının tapılması üçün araşdırmalar aparırdı.
Nərminin əmisi Lətifin və əmisi oğlu Qorxmaz, eləcə də Lətifin azyaşlı oğlu Ayxan sualları cavablandırarkən fərqli vaxtlarda fərqli cavablar veriblər. Həmçinin, birinin dediyi söz digərinin söylədiklərilə üst-üstə düşməyib.
Belə ki, Lətif kişi Nərminin həyətdən çölə çıxdığını qardaşı oğlu Qorxmazın pəncərədən baxaraq gördüyünü deyib. Lakin Qorxmaz yataqdan qalxmadığını və pəncərədən baxmadığını bildirib. Lətifin oğlu Ayxanın da Nərmini çıxarkən gördüyünü desə də, azyaşlı atasının bu sözünü təsdiqləməyib. O, Nərminin gödəkçəni içinə qoymaq üçün ondan istədiyi salafan paket üçün evə girdiyini, çölə çıxarkən Nərmini həyətdə görmədiyini deyir.
Bununla da, adıçəkilən hər üçünün ifadələri onlara qarşı şübhələri daha da artırır.
Onu da qeyd edək ki, Nərminin ana nənəsi Minayə xanım ilk gündən Lətifdən şübhələndiyini gizlətməyib.
Noyabrın 21-də Azərbaycanın Tovuz rayonunun Dondar Quşçu kəndində itkin düşən 10 yaşlı Quliyeva Nərmin Şərif qızı başından aldığı küt alətlə vurulan zərbədən öldüyü müəyyən edilib. Qızın kəllə sümüyündə 5 sınıq aşkarlanıb. Cinayətin digər təfərrüatları da məlum olub.
Belə ki, Nərmin noyabrın 21-də itkin düşdüyü paltarda tapılıb. O da müəyyənləşib ki, uşağı meyiti kənd ərazisində saxlanılırmış. Ehtimal edilir ki, Nərmin bu müddət ərzində zirzəmidə saxlanılıb. Kriminalistlər Nərminin yandırıldığı yerə yaxın ərazidə avtomobil təkəri izlərinə rast gəlməyiblər.
Ehtimal edilir ki, qızın meyitini arabada gətiriblər. Cinayətkar qızın meyitini polietilen torbada hadisə yerinə gətirib və orada yandırıb.
Nərminin dırnaqları tutulmuş olub. Operativ istintaq əməliyyat qrupu bu qənaətə gəlib ki, bunu qatil edib. Bunu o səbəbdən edib ki, qurbanı ona cinsi zorakılıq zamanı müqavimət göstərərək, xəsarət yetirməsin. Qızın meyiti qurşaqdan aşağı yanmış olub.
Xatırladaq ki, 2019-cu ilin noyabrın 21-də itkin düşən Tovuz rayon sakini, 2010-cu il təvəllüdlü Nərmin Şərif qızı Quliyevanın meyti Dondar Quşçu kənd ərazisindəki boş sahədə yandırılmış halda aşkarlanıb. Hadisənin kim tərəfindən törədildiyi hələlik məlum deyil.
Faktla bağlı Tovuz rayon Prokurorluğundan Cinayət Məcəlləsinin müvafiq maddələri ilə cinayət işi açılıb, araşdırma aparılır.

Share: