HƏMAS Fələstin kəşfiyyatının MOSSAD-a məlumat ötürdüyün deyir

HƏMAS İslami Cihadın komandiri Baxi Əbu əl Atanın qətlində Fələstin kəşfiyyatını da ittiham edib.

Müstəqil.Az xəbər verir ki, təşkilat Əbu əl Ata haqqında informasiya toplayan bir qrup şəxsin saxlanıldığını, onların bir neçə ay boyunca Atanı izlədiklərini bildirib.

Saxlanılanların hamısının Fələstin Baş Kəşfiyyat Xidmətinin əməkdaşları olduğu vurğulanıb. Onların topladığı məlumatın İsrail kəşfiyyatına ötürüldüyü qeyd edilib.

Fələstinin FƏTH hərəkatı HƏMAS-ın bəyanatının əsassız olduğunu deyib.

Qeyd edək ki, Baxi Əbu əl Ata noyabrda İsrail kəşfiyyatının endirdiyi aviazərbə nəticəsində qətlə yetirilib.

Mete XAN

Share: