3700-cü ildən gəldiyini iddia edən Mayk adlı şəxs özü ilə bərabər gələcəkdən robot parçası da gətirib.
Müstəqil.Az Qaynarinfo.az-a istinadla xəbər verir ki, Fransada doğulduğunu və 14 yaşına qədər orda yaşadığını, lakin yunan əsilli olduğunu deyən Mayk daha sonra Kanadaya köçüb. O, burada Milli Təhlükəsizlik laboratoriyasında işə girib və bir çox gizli əməliyyatlarda iştirak etdiyini bildirib. Mayk qatıldığı əməliyyatların hərbi ixtiralar, müasir geyimlər və zaman maşınları ilə bağlı olduğunu deyib.
1 il əvvəl zaman maşınları ilə sınaqlar həyata keçirdiklərindən bəhs edən “gələcəkdən gələn adam” bir çoxlarını qrup şəklində və ya tək olaraq gələcəyə göndərdiklərini iddia edib. O özü də bu qruplardan birində iştirak etdiyini və 3700-cü ilə təsadüfən düşdüklərini bildirib. 3000-ci illərdə insanların yerini robotların, süni intellektlərin və proqramların tutduğunu ifadə edən Mayk gələcəkdə neftin işə yaramayacağını və bundan gəlir əldə etməyin mümkün olmayacağını söyləyib. O, hər şeyin Günəşdən əldə edilən elektriklə çalışdığını, avtomobillərin üzərinin günəş panelləri ilə örtülü olduğunu deyib.
Maykın iddialarına görə, gələcəkdə ən böyük robot təsərrüfatı ABŞ-da olacaq. Ümumilikdə isə robotların sayı 3-4 milyona çatacaq. O, bunların bəzilərinin hətta insana bənzədiklərini də ifadə edib.
Mayk 3700-cü ildə insanlarla robotlar arasında müharibə başlayacağını və Yer üzündəki insanların 30 faizə yaxınının öləcəyini deyib.
O, bu iddialarını gələcəkdən özü ilə bərabər gətirdiyi robot parçası ilə təsdiqləmək istəyir. Gələcəkdə olarkən şəxsən öldürdüyü bir robot tülküdən götürdüyü parçanı nümayiş etdirən Mayk həmçinin tülkülərin çox sürətli olduqlarını və yüksəyə tullana bildiklərini, onları zərərsizləşdirməyin isə olduqca çətin olduğunu bildirib.
