Köç edən qozbel balinaların mahnıları alimlərə onların səyahət yolları barədə məlumat verə bilər. Məsələ burasındadır ki, miqrasiya vaxtı heyvanlar nəinki mahnı oxuyur, həm də qarşıdakı heyvanların repertuarlarını öyrənirlər. Tədqiqatçılar müəyyən bir bölgəyə xas olan melodiyalardan istifadə edərək balinanın yolunu müəyyənləşdirə biliblər. FaktXeber.com-un məlumatına görə, nəticələr Royal Society Open Science jurnalında dərc olunub.
Balinakimilər daim təkrarlanan melodik səslər çıxarırlar, hansı ki, elm adamları bunları mahnı adlandırır. Bu melodiyalar bir neçə saatdan bir neçə günə qədər davam edə bilərlər. Bioloqlar heyvanların bu mahnılardan həm də gündəlik ünsiyyətdə istifadə etdiklərini düşünür.
Fərqli balina populyasiyaları fərqli mahnılar ifa edirlər. Balinaların eynilə insanlarda olduğu kimi hətta bir-birlərinin repertuarlarını kopyalaya biləcəyi məlum olub.
Həmçinin alimlər araşdırıblar ki, balinaların mahnılarını müqayisə edərək, onların haradan gəldiklərini və miqrasiya yollarının tam olaraq hardan keçdiyini öyrənmək mümkündür.
