Gömrük Akademiyasının tələbələri beynəlxalq yay məktəbində iştirak edəcəklər

Dövlət Gömrük Akademiyasının tələbələri Makedoniyada beynəlxalq yay məktəbində iştirak edəcəklər.  Bu haqda Müstəqil.Az-aDÖVLƏT GÖMRÜK KOMİTƏSİNİN AKADEMİYASI İctimaiyyətlə əlaqələr şöbəsindən məlumat verilib.

Azərbaycan Respublikası Dövlət Gömrük Komitəsinin Akademiyasının “İqtisadiyyat” ixtisasının 3-cü kurs tələbələri Eldar Əliyev və Murad Hacıyev 13-19 iyul 2019-cu il tarixlərində Şimali Makedoniya Respublikasının Ohrid şəhərində keçiriləcək “Fərqlilik yarat: rəqəmsal hüdudları aşaraq biznes işində necə nailiyyətlər əldə etməyi öyrən” beynəlxalq yay məktəbində iştirak edəcəklər.

Yay məktəbinin məqsədi iştirakçıları müvafiq mövzular üzrə iqtisadi, maliyyə, ticarət, bank, marketinq, logistika və digər bir sıra sahələrdə digitallaşmanın təzahürləri barədə məlumatlandırmaqdır.

Müstəqil.Az

Share: