“Həməşəra” müstəqil, elmi, tarixi, mədəni və ictimai rüblük mətbu orqanının təşkilatçılığı ilə Cəlilabad şəhər Mərkəzləşdirilmiş Kitabxana Sistemində (MKS) Cəlilabad ədəbi mühitinin ziyalı nümayəndəsi, şəhid qardaşı, “Həməşəra” Fəxri Diplomu laureatı, yazıçı-şair Sakit Üçtəpəlinin bu ilin ilk günlərində dünyasını erkən dəyişmiş əziz qızı, tibb bacısı Şükran xanım İsazadəyə həsr edilmiş “Həyatına Şükran” adlı xatirə kitabının təqdimat mərasimi keçirilmişdir.
Vətən və dövlətçilik yolunda canını qurban vermiş əziz şəhidlərimizin xatirəsinə hörmət əlaməti olaraq bir dəqiqəlik sükutla başlayan tədbir rayonun tanınmış ziyalı simaları, müəllimlər və Cəlilabad ədəbi mühitinin parlaq nümayəndələrinin iştirakı ilə yüksək səviyyədə, həm də mənəvi aurada keçirildi.
Tədbiri öz nitqi ilə açan kitabın müəllifi, fəlsəfə üzrə fəlsəfə doktoru, “Həməşəra” mətbu orqanının təsisçisi və baş redaktoru, Azərbaycan Jurnalistlər Birliyi və Azərbaycan Yazıçılar Birliyinin üzvü, yazıçı-publisist İlqar İsmayılzadə ilk öncə Cəlilabad MKS-nin ziyalı və direktoru Qənimət xanım İsrafilovaya yaratdığı şəraitə və ədəbi tədbirlərə verdiyi səmimi və təmənnasız dəstəyə görə təşəkkürünü bildirdi.
O, öz giriş çıxışında “Həyatına Şükran” adlı qısa təqdiamt və xatirə kitabının ərsəyə gəlməsindən söz açdı və ərsəyə gəlmiş kitabın əslində yaçızı-şair Sakit Üçtəpəliyə və onun ailə üzvlərinə mənəvi dəstək olmaqla yanaşı, həm də dünyanı erkən tərk etmiş əziz Şükran xanımın xatirəsinə bir ithaf olduğuna təkid göstərdi.
İ.İsmayılzadə dünya həyatının fani və ötəri olduğu, hər bir insana isə Ulu Tanrı tərəfindən xüsusi bir ömür payının verildiyini bildirərək insanın bu məhdud ömür payını bioloji olaraq yaşaması üçün özünü müxtəlif təhlükələrdən qorumağa mükəlləf olduğunu xüsusilə vurğuladı. O, “Həyatına Şükran” xatirə kitabının ərsəyə gəlməsində öz şeirləri, esse və başsağlığı mətnləri ilə çıxış etmiş, həmçinin, kitabın nəşrində maddi dəstək olmuş hər kəsə təşəkkür edərək yazıçı-şair Sakit Üçtəpəliyə baş vermiş ağrılı və kədərli itkiyə görə dərin hüznlə başsağlığı verdi, ona və yaxınlarına səbirli olmağı arzuladı.
Tədbirin davamında “Əmək zərbəçisi” və “Əmək veteranı” Hacı Paşa müəllim Rüstəmov, Azərbaycan Respublikasının Əməkdar mədəniyyət işçisi Cahangir müəllim Muradov, veteran pedaqoq Dadaş müəllim Bayramov, ADPU Cəlilabad filialının baş müəllimi, arxeoloq və tarixçi-tədqiqatçı alim Ələsgər müəllim Mirzəzadə, “Həməşəra” Fəxri Diplomu laureatı, rəssam xanım Laləzar müəllimə Sadıqova, həmçinin, Cəlilabad ədəbi mühitinin tanınmış nümayəndələrindən: AYB və AJB-nin üzvü, Prezident təqaüdçüsü, “Həməşəra” Fəxri Diplomu laureatı, yazıçı, şair-publisist Əfrahim Abbas, “Həməşəra” Fəxri Diplomu laureatı, bədii qiraətçi, şair Mikayıl İnçəçaylı, AYB-nin üzvü, bədii qiraətçi, şair Əlövsət Tahirli, “Həməşəra” Fəxri Diplomu laureatı, bədii qiraətçi və veteran pedaqoq Adıgözəl müəllim Nuriyev, hərbi pedaqoq və şair mayor Elşən müəllim Türksoy və “Həməşəra” Fəxri Diplomu laureatı, şair Azər Mirzə, ədəbi mühitimizin xanım nümayəndələrindən isə: “Həməşəra” Fəxri Diplomu və “Qızıl Qələm” Media Mükafatı laureatı, şair Gülşən xanım Şahmuradlı, “Həməşəra” Fəxri Diplomu laureatı, şair Seylan xanım Abbas, Cəlilabad MKS-nin əməkdaşı, bədii qiraətçi, “Həməşəra” Fəxri Diplomu laureatı, şair Müşahidə xanım Nərimanova, “Həməşəra” Fəxri Diplomu laureatı, şair Gülcahan xanım Xürrəm, “Həməşəra” və “Nizami Gəncəvi” Fəxri Diplomları və “Ziyadar” Mükafatı laureatı, şair Sevinc xanım Şirvanlı və “Mirvarid Dilbazi Poeziya Məclisi İctimai Birliyi”nin üzvü və Cəlilabad rayonu üzrə rəsmi təmsilçisi, “Həməşəra” Ədəbi Məclisinin yaradıcısı və rəhbəri, “Zərif kölgələr” ədəbi saytının idarə heyətinin üzvü, “Həməşəra” və “Nizami Gəncəvi” Fəxri Diplomları və “Ziyadar” Mükafatı laureatı, AYB və AJB-nin üzvü, şair-publisist Arzu xanım Əyyarqızı öz çıxışlarında “Həyatına Şükran” kitabının müəllifi İlqar İsmayılzadəyə qısa bir müddət ərzində gördüyü belə bir nəcib işə görə təşəkkür edib, xatirə kitabının əbədi bir əsər olaraq yazıçı-şair Sakit Üçtəpəliyə mənəvi dəstək və təskinlik amili olduğunu vurğuladılar, ona və yaxınlarına Ulu Tanrıdan səbir dilədilər.
Gözəl, səmimi və mənəvi aurada keçən təqdimat mərasimindən sonra tədbir iştirakçıları üzürlü səbəbdən tədbirə qatıla bilməyən Cəlilabad ədəbi mühitinin nümayəndəsi, “Həməşəra” Fəxri Diplomu laureatı, yazıçı-publisist və şair Sakit Orduxanlıya baş çəkib, onun sağlamlıq durumu ilə yaxından maraqlandılar.
