Sabiq prezident həyat yoldaşı ilə birgə ekonom-klassda uçdu – FOTO

Fransanın keçmiş prezidenti Nikola Sarkozi həyat yoldaşı Karla Bruni ilə birgə Türkiyənin Bodrum şəhərində tətil edib.

Müstəqil.az xəbər verir ki, cütlük Bodrum istirahətindən sonra ölkələrinə geri qayıdıb. Onlar Bodrumdan İstanbula təyyarənin ekonom-klass bölməsində uçub.

Cütlük salona daxil olarkən hər kəsi salamlayıb və sərnişinlərlə səmimi söhbətlər ediblər. Sərnişinlərin də sabiq prezidentə marağı böyük olub. Hər kəs Sarkozi ilə xatirə fotosu çəkdirib.

Uçuş boyunca kitab oxuyan Karla Bruni isə sosial media hesabından “Gözəl Türkiyə, yuxu kimi idin!” sözlərini yazıb.

Share: