ADDA məzunu və əməkdaşı “Xocavəndin azad olunmasına görə” medalı ilə təltif olunub
Prezident İlham Əliyev Xocavənd rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusunun “Xocavəndin azad olunmasına görə” medalı ilə təltif olunması barədə Sərəncam imzalayıb.
Sərəncamla təltif olunanlar arasında “Azərbaycan Xəzər Dəniz Gəmiçiliyi”QSC-nin (ASCO) Azərbaycan Dövlət Dəniz Akademiyasının məzunu və “Gəmi mexanikası və elektromexanikası” fakültəsinin tyutoru (akademik məsləhətçi) Ruslan Əlicanov da var.
Həmkarımızı “Xocavəndin azad olunmasına görə” medalına layiq görülməsi münasibətilə təbrik edir, döyüşlərdə göstərdiyi igidliyə və qəhrəmanlıqlara görə minnətdarlığımızı bildiririk.
Müstəqil.Az
