Biri var, birisi var
Gedim, qalım, ay adam .
Dərd məni edam etdi
Yerin məlum, ay adam .
Ev tikirsən, göndərim
Hörgüdə daşım olsun.
Yeyib bitirdin məni
Ye, haram xoşun olsun ..
*******
Yalnızların yazdıgı
Qan olur, qada olur
Sığındığı limanlar
Tək tənha ada olur .
Adanı ovuc-ovuc
Su yeyir, ada bilmir
Dənizi ürəyindən
Ha sökür, ata bilmir .
*****
Gördüm başıma gələn
Xəyanətin dadını
Fərqi nə qələm olsun
Ya da meşə odunu
İçim giley alanı
Bogazacan doluyam
Mən yerlərdə Allahın
Sınaq “poliqonuyam”
*****
Bir gün qapın döyülə
Açasan ki bir dəli
Baxasan dönüb gəlib .
Basdırdıgın o ölü..
Qapını baglayasan
Başın anidən çönə
Səhərəcən yalvara
Gəldiyi yerə dönə …
*****
Neynirəm o gecəni
Ayı, ulduzu yoxdu
Baxdım alın yazıma
Sən addı yazı yoxdu .
Bura bir not qoymuşdum .
Süpürgəçi süpürdü..
O qız məni sevirdi ,
Hansı zalım götürdü.
*****
Min şeir yaz, not köçür
Bu dünya sözə gəlməz .
Yellən, şellən dar agacı
Daha dünya düzəlməz .
Hissim canı burnunda..
Sözüm tör-töküntüdür
Gözlə, dünya düzələr ..
Düzəlməz, söküntüdür.
*****
Mən getdim, nöqtələr qoy ..
Ümidə , xəyallara
Hələ baş sındırarsan
Cavabsız suallara..
Min ildir bax gözləyir
İçi bom-boş o qəbir
Qəbirdən də o yana..
Hələ yol var … ya səbir
