Yanvarın 1-də Yaponiyanın Noto yarımadasında baş verən silsilə zəlzələlərdən sonra 19 mindən çox şəxs evakuasiya mərkəzlərində qalır.
xəbər verir ki, bu barədə İşikava prefekturasının administrasiyası məlumat yayıb.
Son məlumata görə, 221 nəfər təbii fəlakətin qurbanı olub, daha 24 nəfər itkin düşüb. Qurbanların sayı 1015-ə çatıb.Fəlakət zonasında 12 min 400-dən çox bina tamamilə dağılıb və ya qismən zədələnib.
19 mindən çox yerli sakin hələ də təbii fəlakətin baş verdiyi ilk günlərdə 34 minə yaxın insanın yerləşdirildiyi ilkin təxliyə mərkəzlərində qalır. Belə sığınacaqlar, məsələn, idman zallarında yerləşir.
Səlahiyyətlilər qapalı şəraitdə uzun müddət yaşamaları səbəbindən insanların vəziyyətinin daha da pisləşməsinin qarşısını almaq üçün insanları ikinci dərəcəli evakuasiya məntəqələrinə, o cümlədən otellərə köçürmək üçün səy göstərir. Artıq zəlzələ qurbanları arasında 13 ölüm birbaşa dağıntı ilə deyil, xəsarət alanların vəziyyətinin pisləşməsi və evakuasiya ərazilərində yaşamaqla bağlı həddindən artıq gərginliklə bağlıdır. Bu risklər ilk növbədə yaşlı insanlara aiddir.
