Ukraynanın Rusiyanın dərinliklərinə uzaqmənzilli zərbələr endirmək üçün sürətlə artan imkanları 2026-cı ildə müharibənin növbəti mərhələsini müəyyən edə bilər.
Müstəqil.az xəbər verir ki, bu barədə “Forbes”də yayımlanan məqalədə deyilir.
Bildirilib ki, yeni raketlər və dronlar ucuzlaşdıqca və istehsalı asanlaşdıqca Kiyev Rusiyanın dərinliklərinə hücumları genişləndirmək qabiliyyətini getdikcə artırır.
Nəşr sərhəddən təxminən 1400 kilometr aralıda yerləşən Votkinskdəki zavoda “Flaminqo” raketi ilə zərbəni xatırladıb. Vurğulanır ki, bu, Ukraynanın ağır raketinin Rusiyanın böyük raket zavoduna belə bir məsafədən zərbə endirməsinin ilk təsdiqlənmiş nümunəsidir.
“Əvvəllər Ukrayna hücumlarını daha çox kiçik dronlara əsasən hesablayırdı ki, onların da struktura əhəmiyyətli ziyan vurmaq üçün lazım olan partlayıcı yükü yox idi. Ukrayna zərbələri getdikcə Rusiyanın müdafiə təchizat zəncirini hədəf alır”, – müəllif yazır.
_(1).jpg "Yunus Oğuz növbəti kitabını başa çatdırıb")
