Ömrün yükünü sözlə daşıyan Azərbaycan Yazıçılar Birliyinin üzvü, şair Ələddin Əzimov
(Mustaqil.az portalı üçün)
Ələddin Əzimli… Adı özündə həm iztirab, həm də ucalıq daşıyan bir ömürdür. Onun yaradıcılığına baxdıqca, hər misrada qəlbin sarsıntısını, ruhun yanğısını hiss edirsən. Hər şeir, hər yazı bir ömür hekayəsi, bir zamanın izahıdır. Şairin sözləri sadəcə kəlmələr deyil; onlar odla yazılmış həyat xatirələri, qəlbin dərinliyindən sızlayan səsidir.
Ələddin Əzimli yaradıcılığını yalnız estetik gözəllik üçün yaratmayıb. Onun yaradıcılığında insan taleyi, zamanın acı reallığı və ruhun qaranlıq labirintləri əks olunur. O, sözlərlə yalnız danışmır, həm də yanır və oxucusunu yanmağa dəvət edir. Şairin şeirlərindəki yanğı, həyatdan çəkilən dərdi, itkiləri, sevgiləri və həsrətləri əks etdirir. Hər bənddə bir odun qalıqları qəlbə toxunur, hər misrada bir həyat dərsi gizlənir.
O, sözlərlə dünyanı, insanı, taleyi və zamanın sarsıdıcı sərtliyini təqdim edir. Onun dili həm təntənəlidir, həm də kədərlidir; həm sakit, həm də qopuq.
Şairin gözlərində hər zaman bir çığlıq, bir itki və bir ümid qarışığı vardır. Onun sətirlərində oxucu yalnız şeir oxumur, həm də bir ömrün yükünü, yanğısını, sevincini və dərdini daşıyır.
Ələddin Əzimli həm də zamanın, məkanın və insanın mürəkkəbliyini əks etdirir yarafıcılığında. Onun qələmi ilə yazılmış hər bir sətir həyatın həqiqətinə açılan bir pəncərədir. Hər oxunuşda yeni bir söz, yeni bir səs eşidilir; hər dəfə sözlərin dərinliyi ilə üz-üzə qalırsan. Bu, yalnız şairin istedadı deyil, həm də onun duyğularının, ruhunun, həyayın içindən çəkilmiş yanğının göstəricisidir.
“SƏTİRLƏRDƏ YANAN ÖMÜR” bu yalnız bir başlıq deyil, Ələddin Əzimlinin yaradıcılığının və həyatının simvoludur. O, ömrünü, qəlbini və ruhunu sözə köçürüb; hər kəlməsi oxucuda iz buraxır, hər misrası qəlbdə yanır. Bu yaradıcılıq həm dərindir, həm də təntənəlidir; həm qəm dolu, həm də ümidlidir. Oxuyan hər kəs onun sətirlərində öz yanmış ömrünün əksini tapa bilər.
Əzimli yaradıcılığı ilə göstərir ki, söz yalnız ifadə deyil, həm də bir həyat, bir tarix, bir od və bir izdir. Onun hər şeiri, hər yazısı yanmış ömrün-həm kədərli, həm də işıqla dolu portretidir. Bu portiret həm də oxucunu düşündürür, sarsıdır, bəzən isə ruhu ilə birlikdə yandırır. Hər oxunuşda şair bir daha xatırladır ki, həyatın yanğısı sözlərlə əbədiləşir və ömür heç vaxt sönmür.
O, yalnız sevgi və həsrət, kədəri deyil, insanın daxili aləmindəki, səs-küyü də sözlərlə əks etdirir. Hər oxuduqda qəlbimizdə bir sızı, bir yanğı doğur; amma eyni zamanda ruhu oyadır, düşünməyə, həyatın həqiqətini anlamağa dəvət edir. Onun şeirlərində kədər yalnız ağrı olaraq qalmaz, o sətirlər ürəyə hopur, ağrılar, acılar, kədər, həsrət misralardan süzülsə də sonda oxucu ruhunda sanki bir təskinlik tapır.
Ələddin müəllim bizə göstərir ki, ədəbiyyat yalnız söz yığını deyil; o duyğuların, xatirələrin, sevginin birləşdiyi məkan, qəlbin içində sönməz alovun şeirə çevrilməsidir. Onun ömrü, sənəti və sətirləri – bütün bir həyatın yanmış və yenidən doğmuş hekayəsidir.
Onun yaradıcılığı həm də həyatın fəlsəfəsini əks etdirir; hər əzabın içində bir gözəllik,hər həsrətin içində bir ümid vardır. Oxucu Ələddin müəllimin şeirlərində yalnız sözlərin ritmini deyil, həm də qəlbin sakit və sarsılmaz döyüntüsünü eşidir. Hər misra bir nəfəsdir, hər sətir isə bir dünyadır.
Onun hər şeirində həyatın acı, şirin, zərif və sərt anları bir-birinə qarışır, oxucu bu qarışılıqda özünün də səsini, öz yanmış ömrünü tapır. Əzimli yalnız sözləri deyil, həm də qəlbləri yandıran, sarsıdan, düşündürən bir sənətkar kimi önə çıxır.
Sətirlərdə yanan ömür – Ələddin Əzimlinin mirasıdır. Sözlərin içində həyat, hər misrada sevgi, hər sətirdə qəm və ümid. Hər oxuyan qəlb onun yanmış ömrünü hiss edəcək, hər nəfəsdə onun ruhunu duyacaq. Və bu alov heç vaxt sönməyəcək.
“Sətirlərdə yanan ömür” – Əzimlinin sənətinin aynasıdır.
Yanmış ömürlər, unutmaq istədiyimiz xatirələr…
Hər sözdə, hər misrada bir nəfəs alır.
Doğma elimiz və eyni halda ölkəmizin dəyərli şairi, AYB-nin üzvü Ələddin müəllim Əzimliyə uzun, sağlam və mənalı ömür, yeni yaradıcılıq uğurları arzusu ilə…
Ehtiram Sevənli
(“Qızıl Qələm” Media Mükafatı və “Həməşəra” Fəxri Diplomu laureatı, yazıçı-publisist)
22.11.2025
