Hazırda icarə əsasında “Qalatasaray”da çıxış edən Viktor Osimhenin gələcəyinə aydınlıq gəlib.
Apasport.az xəbər verir ki, nigeriyalı forvard “Əl-Hilal”a transfer olmağa çox yaxındır.
Artıq Səudiyyə Ərəbistanı təmsilçisi futbolçu ilə şifahi razılığa gəlib. Tərəflər arasında 3 illik müqavilənin imzalanması gözlənilir.
“Əl-Hilal” bu transferi Klublararası Dünya Çempionatının ilk turunda “Real Madrid”lə qarşılaşacaqları oyundan əvvəl yekunlaşdırmağı planlaşdırır.
Qeyd edək ki, Osimhen bu mövsüm “Qalatasaray”ın heyətində keçirdiyi 41 rəsmi oyunda 37 qol vurub, 8 məhsuldar ötürmə verib.
