Müstəqil.Az Dənizçilərə Sosial Dəstək İctimai Birliyinə istinadla bildirir ki, bu sözlər Azərbaycan Müdafiə Nazirliyinin bəyanatında səslənib: İranın dron zərbələri ilə bağlı zəruri cavab tədbirləri hazırlanır, bu hücum aktları cavabsız qalmayacaq
Məlum olduğu kimi, bu gün 5 mart tarixində İran İslam Respublikasının silahlı qüvvələri tərəfindən İran ərazisindən pilotsuz uçuş aparatları ilə Azərbaycan Respublikasının Naxçıvan Muxtar Respublikasının Naxçıvan beynəlxalq hava limanına və digər mülki infrastrukura hücum aktları həyata keçirilib.
Müstəqil.Az xəbər verir ki, Müdafiə Nazirliyindən APA-ya verilən xəbərə görə, pilotsuz uçuş aparatlarının texniki parametrləri və bu hücumların təfərrüatları araşdırılır.
“Azərbaycan Respublikası Müdafiə Nazirliyi hər hansı hərbi zərurət olmadığı halda, İran İslam Respublikasının silahlı qüvvələri tərəfindən ölkəmizin ərazisində mülki infrastruktura qarşı törədilən hücumları qəti şəkildə pisləyir.
Baş vermiş hadisəyə görə məsuliyyət tam şəkildə İran İslam Respublikasının üzərinə düşür.
Azərbaycan Respublikası Müdafiə Nazirliyi ölkəmizin ərazi bütövlüyünün və suverenliyinin müdafiəsi, mülki şəxslərin və mülki infrastrukturun təhlükəsizliyinin təmin olunması üçün zəruri cavab tədbirlərini hazırlayır və bu hücum aktları cavabsız qalmayacaq”, – məlumatda deyilir.
Müstəqil.Az
