25 İyun – Dənizçi Günü münasibətilə Dövlət Dəniz və Liman Agentliyinin təşkilatçılığı ilə dənizçilik sahəsində uzunmüddətli və səmərəli fəaliyyəti ilə fərqlənən əməkdaşların təltifolunma mərasimi keçirilib.
Müstəqil.Az xəbər verir ki, tədbir çərçivəsində Dövlət Dəniz və Liman Agentliyinin əməkdaşları da daxil olmaqla dəniz nəqliyyatı sahəsində fəaliyyət göstərən özəl və dövlət şirkətlərindən ümumilikdə 35 nəfər dənizçi “Uzaq səfərlər kapitanı”, “Donanmanın fəxri işçisi” və “Birinci dərəcəli mexanik” nominasiyaları üzrə xüsusi döş nişanları ilə təltif olunub.
Dəniz nəqliyyatı sahəsində çalışan mütəxəssislərin əzmkarlığı, peşəkarlığı və fədakarlığı dənizlərdəki gücümüz və etibarımızdır.
Bütün dənizçilərimizi peşə bayramı münasibətilə təbrik edir, gələcək fəaliyyətlərində uğurlar arzulayırıq!
