Biz vətəndaş cəmiyyətinin nümayəndələri informasiya müharibəsində virtual əsgərə çevrilməliyik -Millət Vəkili

Biz vətəndaş cəmiyyətinin nümayəndələri informasiya müharibəsində virtual əsgərə çevrilməli, düşmənin dezinformasiyasının qarşısının alınması üçün sinəmizi irəli verməli, haqq səsimizin dünyaya çatdırılması üçün bütün güclərimizi səfərbər etməliyik.

Müstəqil.Az xəbər verir ki, bu sözləri Millət vəkili Azay Quliyev özünün sosial şəbəkədəki divarında paylaşb. Onunn müraciətini olduğu kimi yayınlayırıq

Hörmətli Qeyri-Hökumət Təşkilatlarının nümayəndələri,

Əziz həmkarlar,

Məlum olduğu kimi, Ermənistanın hərbi təxribatı nəticəsində iyulun 12-dən etibarən Tovuz istiqamətində şiddətli döyüşlər gedir. Düşmən ciddi itkilər verərərək geri otuzdurulsa da döyüşlər ara vermir. Düşmən hücumunun qarşısının alınmasında qəhrəmancasına döyüşərək şəhid olanlarımız var. Bu gün isə Azərbaycan Ordusunun generalı Polad Həşimov qəhrəmancasına Şəhid olub. Generalı şəhid olan Ordu döyüşən Ordudur və o, qalib gəlməklə qisasını alacaq. Mən, rütbəsindən, vəzifəsindən asılı olmayaraq, bu amansız və güzəştsiz müharibədə şəhid olmuş bütün zabit və əsgərlərimizə Allahdan rəhmət diləyirəm!

Əziz həmkarlar,

Mənfur düşmən, torpaqlarımıza hücum edən işğalçı erməni ordusu qat-qat çox itki verib. Hazırda düşmən ölkənin hərbi analitikləri məlumatları gizlətmək, yanlış məlumat yaymaq, məğlubiyyətlərini ört-basdır etməklə məşğuldular. Bu məqsədlə düşmən təhrif edilmiş məlumatların, dezinformasiya xarakterli xəbərlərin bizim mediada və sosial şəbəkələrdə yayımlanmasına ciddi-cəhdlə çalışır.
Belə bir məqamda ölkəmizin vətəndaş cəmiyyətinin nümayəndələri olaraq hər birimizin vəzifəsi ordumuza, qəhrəman əsgər və zabitlərimizə mənəvi dəstək vermək, sosial mediada paylaşılan qeyri-rəsmi, yoxlanılmamış və təxribat xarakterli xəbərləri yaymaqdan çəkinməkdir. Biz vətəndaş cəmiyyətinin nümayəndələri informasiya müharibəsində virtual əsgərə çevrilməli, düşmənin dezinformasiyasının qarşısının alınması üçün sinəmizi irəli verməli, haqq səsimizin dünyaya çatdırılması üçün bütün güclərimizi səfərbər etməliyik.

Bunları əsas götürərək, Azərbaycanda fəaliyyət göstərən bütün QHT-lərə müraciət edib aşağıda qeyd olunan məsələləri nəzərə almalarını xahiş edirəm:

1) Ordumuza mənəvi dəstək vermək, milli vətənpərvərlik ruhunu daha da gücləndirmək üçün sosial şəbəkə hesablarınızda hər biriniz xüsusi paylaşımlar edin və bunu #orduyadəstək həştaqı ilə paylaşın;
2) Sosial şəbəkələrdə hərbi əməliyatlarla bağlı yalnız Müdafiə Nazirliyinin və rəsmi qurumların məlumatlarına istinad edin və onları paylaşın;
3) Düşmənin informasiya məkanımıza ötürdüyü və onların daxili və xarici uzantıları tərəfindən tirajlanan bütün məlumatlara (şərhlərə) dərhal reaksiya verin və belə təxribatların vaxtında qarşısının alınmasına köməklik edin;
4) Ermənistanın hərbi mövqelərimizə, kəndlərimizə və mülki əhalimizə qarşı etdiyi hərbi təcavüz haqqında müxtəlif xarici dillərdə məlumat hazırlayıb əməkdaşıq etdiyiniz və tanıdığınız bütün təşkilatlara, beynəlxalq qurumlara və xarici ölkələrdə fəaliyyət göstərən QHT-lərə təqdim edin;
5) Belə çətin və həssas məqamda dövlət-xalq birliyinin, ümumilli həmrəyliyin və ictimai-siyasi sabitliyin daha da güclənməsinə və qorunmasına dəstək olun və bu birliyi və sabitliyi pozmağa çalışanlara qarşı prinsipial mövqeyinizi ifadə edin.

Əziz həmkarlar,

Əminəm ki, Siz vətənpərvər və məsuliyyətli vətəndaş kimi qeyd etdiyim məsələlərin indiki zamanda nə qədər vacib və əhəmiyyətli olduğunu yaxşı bildiyinizdən bu istiqamətdə bütün potensialınızı səfərbər edəcək və xalqımızın haqq işinə dəyərli töhfənizi verəcəksiniz.

Müstəqil.Az

Share: