Esmira Məhiqızı
sonra birdən yağış yağsa, ən sevdiyimdən
sonra birdən külək əssə, ən sevdiyimdən..
bir balaca qız uşağı qaçsa yağışa
qollarını göylər qədər açsa küləyə
və birdən də bir quş gəlib nəsə oxusa,
oxuduğu o nəğmə də bahar qoxusa..
hər şey, hər şey gözəl olsa,
lap gözəl olsa..
və birdən də,
və birdən də..
yaaa..mən olmasam
mən olmasam..yağış yağsa, mənim yağışım,
mən olmasam..külək əssə, mənim küləyim,
harda isə o yağışda islanan quş tək,
bir sətirdə,
bir şeirdə çarpar ürəyim..
sonra birdən..ən sevdiyim külək əsməsə,
sonra birdən ..ən sevdiyim yağış yağmasa.
ya mən olsam,
ya mən olsam..heç nə olmasa