Emin Gəncədə möhtəşəm konsert verdi – Fotolar + Video

Dünən Azərbaycanın Xalq artisti, tanınmış müğənni-bəstəkar Emin Ağalarov Gəncədəki Heydər Əliyev Park Kompleksində konsert proqramı ilə çıxış edib.

“Qafqazinfo” xəbər verir ki, konsertdə Emin tamaşaçılar qarşısında məşhur hitlərini səsləndirib. Bunların sırasında “AMOR”, “Nejnaya”, “Sinaya vecnost”, “Azərbaycanım” və digər sevilən mahnıları olub.

Musiqili gecə Gəncə sakinlərinin böyük coşqusu və alqışları ilə qarşılanıb. Tamaşaçılar bütün mahnıları demək olar ki, müğənni ilə birgə ifa ediblər.

Gəncədə ilk dəfə çıxış etdiyini deyən Emin konsertdəki gözəl atmosferə görə pərəstişkarlarına minnətdarlığını bildirib. “Təəssüratlarım möhtəşəmdir. Mən tamaşaçıların gözlərində qığılcım, istilik gördüm. İnsanlarla birlikdə olduq. Mənə çox xoş oldu ki, gəncəlilər bizi belə isti qarşıladılar”-deyə sənətçi qeyd edib.

 






Share: