Ərdoğanla Putinin ORTAQ PLANI ABŞ-ı şoka saldı: Türkiyə daha bir dövlətlə qonşu olur

ABŞ-ın Türkiyənin Suriya ilə sərhədində yeni nəzarət məntəqələri qurmaq addımı terrorçulara dəstəyinin ən konkret ifadəsi olub. Fərat çayının şərqində PKK-nı Türkiyə ordusundan qorumaq istəyən Vaşinqtonun bu həmləsi Ankara-Moskva əməkdaşlığının verdiyi narahatlığı gözlər önünə gətirib.

Publika.az xəbər verir ki, Türkiyə prezidenti Rəcəb Tayyib Ərdoğan ilə rusiyalı həmkarı Vladimir Putinin yaxın təmasları, müdafiə naziri Hulusi Akar ilə Milli Kəşfiyyat Təşkilatının sədri Hakan Fidanın Soçidə uğurlu nəticələr əldə etməsi ABŞ-ı Suriyada yeni həmlələr etməyə məcbur edib.

Türkiyənin Fərat çayının şərqində hərbi əməliyyatlara hazırlaşdığını görən Pentaqon sərhəddə nəzarət məntəqələri quracağını açıqlayıb. ABŞ müdafiə naziri Ceyms Mettisin nəzarət məntəqələri barədə ironiyalı açıqlaması Münbiçdə əldə edilən razılaşmaya rəğmən, ABŞ-ın Türkiyəni Fəratın şərqindən uzaq saxlamaq niyyətini açıq şəkildə göstərir.

Mettisin son sözləri Fəratın şərqində ABŞ-ın rəsmi olaraq Türkiyəyə qarşı çıxması və Ankaraya meydan oxuması kimi dəyərləndirilir.

Qaynaqlar ABŞ-ın nəzarət məntəqələri qurmaqla Türkiyənin bölgəyə müdaxiləsinin qarşısını almağı və Türkiyə ordusunun hərəkətlərinə nəzarəti hədəflədiyini bildirirlər. ABŞ-ın təktərəfli quracağı bazalar Suriyadakı ortağı PKK/PYD terror təşkilatının müdafiə qalxanı olacaq. ABŞ sərhəd xəttində qurulacaq nöqtələrlə Türkiyə ilə rəsmən sərhəd qonşusu olacaq. Terror təşkilatı ilə Türkiyə arasına sədd çəkməyi hədəfləyən Vaşinqton bundan sonra yoluna yalnız PKK ilə davam edəcəyini də açıq şəkildə elan etmiş oldu.

Məsələ ilə bağlı açıqlama verən sabiq general Ehsan Başbozqurd bunları deyib:

“Amerika səmimidirsə, Türkiyə ilə ortaq hərəkət edər. Nəzarət məntəqələri ortaq qurulmalıdır. Bu nöqtələr Türkiyənin sabitliyinə qarşı ən çox təhdidin gəldiyi Tel Əbyad, Ayn əl-Ərəb, Rəsulayn və Qamışlının 15 kilometr cənubunda qurulmalıdır. PKK/PYD bu bölgədən tamamilə çıxarılmalı, torpaq onun sahiblərinə qaytarılmalıdır. İdlibdə Türkiyə ilə Rusiyanın əməkdaşlığı sayəsində aparılan qurulan nəzarət məntəqələri burada da qurulmalıdır. ABŞ dildə Türkiyə ilə sıx əməkdaşlıq etdiyini deyir, amma səmimiyyətsizliyindən dolayı gerçək əməkdaşlıqdan çəkinir. Münbiç razılaşmasından 6 ay keçməsinə rəğmən, nəticə əldə edilməməsinin səbəbi də budur”.

mersin escort