Dörd idmançımız ABŞ-da dünya çempionu olub (FOTOLAR)

ABŞ-ın Orlando şəhərində keçirilən WPC versiyası üzrə pauerliftinq üzrə dünya çempionatında daha dörd idmançımız qızıl medal qazanıb.
Müstəqil.Az Qaynarinfo-ya istinadla xəbər verir ki, Hafiz Verdiyev (100 kq) Classic RAW növündə öz çəki dərəcəsində çempion olmaqla yanaşı, dünya çempionatının mütləq çempionu adını qazanıb.

Rövşən Xəlilov (75 kq) isə öz çəki dərəcəsində Full Powerlifting (Üç hərəkətin cəmi) və Deadlift (Ağırlığı yerdən qaldırma) növlərində çempion olmaqla, iki qızıl medala yiyələnib. Mingəçevir təmsilçisi bununla da dördüncü dəfə dünya çempionu olub.
Qeyd edək ki, Rövşən Xəlilov Fövqəladə Hallar Nazirliyinin əməkdaşıdır.
Xatırladaq ki, digər qızıl medal qazanan idmançılarımız Pərvin Quliyev, Zaur Cəfərov, eləcə də Baş Dövlət Yol Polisi İdarəsinin Yol Patrul Xidməti Alayının leytenantı Famil Məhərrəmovaktivlərinə qızıl medal yazdıra bilib. ABŞ-da iştirak etmiş digər idmançımız Vuqar Namazov isə dünya çempionatında çox ciddi zədə alaraq, yarışı yarımçıq  qoymalı olub.