Dilini bilmədiyi mahnılara qulaq asıram – Eyvaz Əzimov

Tüpürcəyin xəzərin ləpələrində isladır dodaqlarını,

Əvəzinədir ezamiyyətə gedən günəşin yerində gözlərin,

Sənə baxıram bir masalıq üzbə-üz

Amma maşınla getsəm neçə saata çatmaram bilmirəm sənə

Əllərinin üstündəki gözəgirən damarlar

Simandakı qayğısız obrazlı çöhrənə üsyan edir,

razılaşmır

Mən bilmirəm kim haqlıdır

Lavabonun qarşısında get-gəl edirsən,

güzgüyə baxırsan,

Mən sənə baxıram

Qərar verə bilmirəm, gəlməliyəm yanına,

yoxsa getməliyəm yanına…

Yolunu tapıram baxışlarımı üstündən öz gözümə səsləyirəm,

tula kimi geri qayıdırlar

Münasibətindən yayı gözləyirdim,

amma soyuq düşdüyünü

canımda hiss edirəm

Öz anasının ögey oğlu kimi boynunu bükür hisslərim

Dərsdə lap nişanələr artır

Arxaya döndərmirsən başını bir dəfə

Qar yağır bu dəfə…

Sonra tək-tək güllərlə bahar olmur məndə

Evə gedirəm, siqaret çəkirəm,

dilini bilmədiyi mahnılara qulaq asıram

üst mərtəbədəkilər

oyanmasınlar deyə

çarəsizliyimə səsboğucu bağlayıb

otağın ortasında yol ölçürəm

bu divardan,

o divara…

sonra?- sonra, bilmirəm nə olur.

 

 

mersin escort